ប្លង់ថតកុនល្បីៗ សូម្បីភាពយន្តហូលីវូដក៏យកតាមនេះដែរ!
10 Feb, 2015 09:12
-Extreme Wide Shots (EWS) គឺជាប្លង់ពីចម្ងាយ អាចបង្ហាញពីអ្វីមួយ ឬទីកន្លែងណាមួយបានយ៉ាងទូលាយ។ (មើលរូបទី១ ខាងក្រោម)
-Wide Shots (WS) គឺជាប្លង់បង្ហាញមួយជំហរខ្លួនរបស់មនុស្ស ឬ Subject អ្វីមួយ។
-Medium Shots (MS) គឺថតមនុស្សត្រឹមពាក់កណ្ដាលចង្កេះឡើងលើរហូតហួសចុងសក់បន្តិច។ ប្លង់នេះគឺអាចឲ្យអ្នកទស្សនាឃើញពីចលនាដៃ ឬការផ្លាស់ទីរបស់តួអង្គយ៉ាងច្បាស់។
-Medium Close Ups (MCU) គឺជាប្លង់ដែលបង្ហាញតួអង្គកាន់តែកៀក ចាប់ត្រឹមក្រោមស្មាបន្តិចទៅលើដល់ចុងសក់។
-Close Ups (CU) គឺជាប្លង់ដែលបង្ហាញផ្នែកណាមួយនៃ Subject។ ឧទាហរណ៍ដូចរូបទី១ខាងក្រោមនេះ CU គឺមុខរបស់មនុស្សប្រុសនោះ។
-Extreme Close Ups (ECU) គឺជាប្លង់ថតកៀកបំផុត ដែលអាចធ្វើឲ្យអ្នកមើលឃើញ Subject ច្បាស់ និងលម្អិតជាងភ្នែករបស់អ្នកទៅទៀត។ ដូចរូបទី១ខាងក្រោមនេះ ECU គឺលើរង្វង់ភ្នែកទាំងពីររបស់មនុស្សប្រុសនោះ។
រូបទី១
-Two Shot គឺជាប្លង់ ដែលថតយកមនុស្សពីរនាក់។ (មើលរូបទី២ ខាងក្រោម)
រូបទី២
-Over the Shoulder Shots (OSS) គឺជាប្លង់ថតពីខាងក្រោយមនុស្សម្នាក់សំដៅឆ្ពោះទៅកាន់ Subject ដោយឲ្យឃើញត្រចៀក ស្មា ឬផ្ទៃមុខម្ខាងនៃមនុស្សនោះ។ បច្ចេកទេសនៃការថតប្លង់នេះគឺឲ្យមនុស្សទល់មុខនឹង Subject។ ប្លង់នេះក៏គេឧស្សាហ៍ប្រើក្នុងកិច្ចសម្ភាសន៍ដែរ។ (មើលរូបទី៣ ខាងក្រោម)
រូបទី៣
-Point of View គឺជាប្លង់ដែលថតចេញពីក្បែរភ្នែករបស់អ្នកសម្ដែង ដូច្នេះអ្នកទស្សនានឹងមានអារម្មណ៍ថា ប្លង់ហ្នឹងគឺចេញពីភ្នែករបស់គេផ្ទាល់ ឬដៃកំពុងមានចលនាក្នុងអេក្រង់ហាក់បីដូចជាដៃរបស់គេដែរ។ (មើលវីដេអូខាងក្រោម)
-Selective Focus គឺជាប្លង់ដែលគេថតទម្លាក់ Aperture ឲ្យទាប ឧ. f/3.5, f/2.8, f/2, ឬ f/1.4 នោះវានឹងបង្កើតភាពព្រិល (Depth of Field) នៅកន្លែងដែលអ្នកមិនផ្ដោតលើ (Out of Focus) ។ មើលរូបទី៤ រូបផ្នែកខាងលើ គឺឲ្យ Focus នៅខាងមុខ ដូច្នេះរូបបុរសនោះមានភាពច្បាស់ ចំណែកឯរូបនារីនៅខាងក្រោយព្រិល។ ចំពោះរូបខាងក្រោម គឺឲ្យ Focus នៅផ្នែកខាងក្រោយ ដូច្នេះរូបនារីច្បាស់ ចំណែករូបបុរសព្រិល។ ដោយសារភាពយន្តមានចលនា គេអាចប្ដូរឲ្យម្ដងព្រិលមុខម្ដងព្រិលក្រោយបានយ៉ាងងាយ។ (អានអត្ថបទ៖ របៀបនៃការថតរូបបែប Depth of Field)
រូបទី៤
ទស្សនាវីដេអូអំពីប្លង់ផ្សេងៗ៖
ក្រោយពីដឹងប្លង់មូលដ្ឋានទាំងអស់នេះហើយ ប្រិយមិត្តអាចអនុវត្តផលិតជាវីដេអូខ្នាតខ្លីបានហើយ។
ដោយ៖ មាស រ័ត្ន
ប្រភព៖ thewildclassroom, learnaboutfilm, empireonline
No comments:
Post a Comment
ប្រសិនអ្នករាល់គ្នាពេញចិត្ត ចូលចិត្ត នូវប្លក់របស់ខ្ញុំ ឬចង់ស្វែងយល់អំពីពត៌មានអ្វីសូមសរសេរមតិយោបល់នៅទីនេះ !សូមអរគុណ មានលាភរៀងរាល់ថ្ងៃ
If everyone love and like my blog or you want to know about news or something you can write you advice in this place !thank you MEANLEAP EVERYDAY